Jo Rishtey Dil Say Jurrtey Hain Inhein Torra Nahin Kartey
Kisi Ka Saath Rastey Mein Kabhi Chorra Nahin Kartey
Kahin Iss Say Tumharey Haath Hi Zakhmi Na Ho Jayein
Jo Tootey Aaina To Phir Issey Jorra Nahin Kartey
Koi Tofaan Teri Kishti Ko Garq-e-Aab Na Kar Dey
Kabhi Biphri Huyi Mojon Ka Rukh Morra Nahin Kartey
Tijarat Ke Asoolon Par Mohabbat Ki Nahin Jaati
Mohabbat Mein Kabhi Jazbaat Ka Soda Nahin Kartey
Sitam Karna Mohabbat Par, Ye Hai Aadat Zamaney Ki
Zamaney Ke Sitam Par Hum Ye Dil Thorra Nahin Kartey
Mohabbat Ke Asoolon Mein Yehi Pehla Asool Apna
Ke Hum Apni Mohabbat Ko Kabhi Ruswa Nahin Kartey …!
No comments:
Post a Comment